ဒီချက်နည်းက နီပါလီ လို့ခေါ်တဲ့ဂေါ်ရခါးလူမျိုးတွေဆီက သင်ပြီးတတ်မြောက်လာတဲ့နည်းလေးပါ။
သက်သတ်လွတ်ဟင်းတစ်ခွက်ဖြစ်ပြီး ပူရီ၊ဒိုတီးတွေနဲ့တွဲဖက်စားနိူင်သလိုထမင်းဖြူ လေးနဲ့တွဲဖက်စားရင်လဲအဆင်ပြေလှပါတယ်။
အခုက ထမင်းနဲ့စားမှာဆိုတော့ အာလူးကို
ခပ်ကြီးကြီးလေးတုံးပြီး အနှစ်ခြောက်ခြောက်
ပုံစံလေးဖန်တီးထားပါတယ်။ ပူရီနဲ့စားမယ်ဆိုရင်တော့ အာလူးသေးသေး အနှစ်ကျဲကျဲလေးပေါ့။
နီပါလီစတိုင်လ်သက်သတ်လွတ်အာလူးနှပ်
°°°°°°°°°°°°°°°°°°°°°°°°°°°°°°°°°°°°°°
ပါဝင်ပစ္စည်းများ
အာလူးကြီးကြီး............၃လုံး
ကြက်သွန်နီ.................၁လုံး
ကြက်သွန်ဖြူ................. ၃တက်
ချင်းသေးသေး...............၁တက်
ပျဉ်းတော်သိမ်ရွက်..........၁၅ရွက်ခန့်
မုန်ညှင်းစေ့................ထမင်းစားဇွန်းဝက်
မဆလာ....................လက်ဖက်စား၁ဇွန်း
အာလူးတွေကိုအခွံခွာပြီး ၁လက်မ ထုလောက်တုံးကာရေစိမ်ထားပါ။
ကြက်သွန်နီ ၊ ချင်း ၊ ကြက်သွန်ဖြူ တွေကိုနနွင်း၊အရောင်တင်မှုန့်(ငရုတ်စိမ်းမှုန့်)တို့နှင့်အတူညှက်နေအောင်ထောင်းပါ။
ဒယ်အိုးမှာဆီအပူပေးပြီး ပျဉ်းတော်သိမ်ရွက်တွေကိုအကြွပ်ကြော်ပြီးဆယ်ယူစစ်ထားပါ။
ထိုဆီထဲမှာပဲ အာလူးတွေကိုရွှေရောင်ရခါနီးအထိကြော်ပါ။
ဆီပူပူထဲမှာပဲမုန်ညှင်းစေ့လေးတွေကိုဖြူးထည့်လိုက်ပါ။မုန်ညှင်းစေ့လေးတွေဟာဆီအပူရှိန်ကြောင့်ဖောက်ဖောက်မြည်ပြီးမွှေးလာပါလျမ့်မယ်။
ထိုအချိန်မှ ညှက်စေးနေအောင်ထောင်းထားတဲ့ကြက်သွန်အရောကိုထည့်ပြီးဆီသပ်ပါ။
ဆား ၊ အရသာမှုန့်လေးအနည်းငယ်ဖြည့်စွက်ပါ။
မဆလာလေး ဖြူးထည့်ပါ။ရေအပျစ်အကျဲကို
မိမိစိတ်ကြိုက် ချိန်ဆထည့်ပါ။
နောက်ဆုံးမှ အကြွပ်ကြော်ထားတဲ့ပျဉ်းတော်သိမ်ရွက်လေးတွေအုပ်ပြီးဖိုပေါ်မှချပါ။
မွှေးမွှေးချို ချို လေးနဲ့ထမင်းစားမြိန်တဲ့သက်သတ်လွတ်ဟင်းလျာတစ်ခွက်ပါ
😁😁😁😁
No comments:
Post a Comment